तनहुँ । सदरमुकाम दमौली बजार नजिकै रहेको व्यास नगरपालिका वडा नम्बर ५ चापाघाट स्थित वेदव्यास जेष्ठ नागरिक आश्रमका महिलाहरुले बृद्धाआश्रममा निधन भएका एक बृद्धको शव काँधमा बोकेर घाटमा लगेका छन् ।
बृद्धाआश्रममा बस्दै आएका बृद्ध मिनबहादुर सार्कीको गएराती निधन भएपछि आश्रमकै महिलाहरुले शव बोकेका हुन् । आश्रममा आबद्ध महिलाहरुले शुक्रबार बिहान सार्कीको शव बोकेर अन्त्येष्टिका लागि दमौली घाट लगेका थिए ।
आश्रमकी कार्यवाहक अध्यक्ष शकुन्तला आलेले समाजमा परिवर्तनको सन्देश दिनका लागि शव महिलाहरुले नै बोकेर घाटमा लगेको बताइन् ।
Facebook Comments Box
