२०८० फाल्गुन, २१
||NEWS LUMBINI |

बाटोमा मोबाइल भेटेर पनि टिपिनँः पूणिर्मा श्रेष्ठ

म्यूजिक भिडियोमा सक्रिय मोडल पूणिर्मा श्रेष्ठले दुई सयभन्दा बढि भिडियोमा अभिनय गरेकी छिन् । नेपाल प्रहरीको जागिरेसमेत रहेकी पूणिर्मा आफूलाई मोबाइलको खासै सोख नभएको बताउँछिन् । तर, अहिलेसम्म १० वटा सेट फेरिसकेकी छिन् ।

१० वर्ष अगाडिदेखि मोबाइल बोक्न थालेकी पूणिर्माले अहिले सामसुङको जे सेभेन मोबाइल बोकिरहेकी छिन् । उनीसँग गरिएको मोबाइल संवादः

पहिलोचोटि किनेको मोबाइल कुन हो ?

नोकियाको सानो सेट किनेको थिँए । सायद १० वर्ष अगाडी होला । कतिमा भन्ने बिर्से ।

अहिलेसम्म कतिवटा मोबाइल चेन्ज गर्नुभयो ?

म मोबाइलको सौखिन हैन । तैपनि १० वटा जति फेरेँ होला । ब्यागमा बोक्दा प्राय मेरो मोबाइल थिचिएर स्त्रिmन जान्छ । अनि अर्को किन्छु ।

मोबाइल हराएको छ कि छैन ?

पहिलोपटक किनेको मोबाइल चाहीँ हरायो । कार्यक्रमका लागि पाल्पा गएको वेला हराएको थियो । हराएपछि खोजी गरिनँ ।

मोबाइल उपहार कत्तिको पाउनुहुन्छ ?

उपहार त आउँछ नी । अहिले बोकेको पनि उपहार नै हो ।

दैनिक कति मिस कल आउँछन् ? कल ब्याक गर्ने चलन छ कि छैन ?

खासै त्यति धेरै आउदैन । चिनेको नम्बर छ भने कल ब्याक गर्छु । नचिनेकालाई गर्दिन ।

दैनिक कति एसएमएस आउँछन् ?

एसएमएस त खासै आउदैन । अचेल त म्यासेजहरु फेसबुकमा बढी आउछ ।

मोबाइलमा सबैभन्दा बेसी कोसँग कुरा हुन्छ ?

घरकै मान्छेसँग । यो नै भन्ने छैन । घरका सबैसँग कुरा हुन्छ ।

मोबाइलमा मासिक कति खर्च हुन्छ ?

खासै हुँदैन । त्यही हो, एक हजारजति ।

सेल्फी हान्न कत्तिको मन पर्छ ?

कहिलेकाहीँ हान्छु । साथीहरुसँग कतै घुम्न गएको बेला । विदेश गएको बेला पनि हल्का सेल्फी हान्छु ।

मोबाइल नउठाएको कारण कुनै अवसरबाट वञ्चित हुनुभएको छ ?

छ एकपटक । म टे्रनिङमा थिएँ । मेरो मोबाइल ब्यागमा थियो । भिडियो निर्देशक प्रशन्न पौडेलले भिडियोको लागि फोन गर्नु भएको रहेछ । मैले बेलुका कल ब्याक गर्दा अरु कोही फिक्स भैसकेछ । मलाई उहाँको भिडियोमा काम गर्ने रहर थियो ।

बाटो हिँड्दा मोबाइल भेट्टाउनु भयो भने के गर्नुहुन्छ ?

अहिलेसम्म गतिलो भेटेको छैन । पुराना मोडलका एक-दुई पटक भेटेको छु तर, टिपिनँ ।

मोबाइलमा फेसबुक कति हेर्नुहुन्छ ?

म फेसबुक चलाउदिन । प्रायः युट्युव हेर्छु ।

अब कुन मोबाइल किन्न मन छ ?

पारखी नै त हैन । आइफोन किन्ने रहर छ ।

राति कतिबेरसम्म मोबाइल चलाउनुहुन्छ ?

बेलुका नौ बजेपछि इमर्जेन्सी बाहेकका फोन उठाउदिन । बेलुका पाँचदेखी सात बजेसम्म अलि धेरै चलाउँछु ।

कस्तो बेलामा मोबाइल अफ हुन्छ ?

म कहिल्यै मोबाइल अफ गर्दिन ।

शौच गर्न बसेको बेला फोन आयो भने के गर्नुहुन्छ ?

ट्वाइलेटमा भएको वेला फोन आयो भने उठाउदिन ।

मोबाइल नभइदिए जीवन कस्तो हुन्थ्यो होला ?

पहिला पनि त मोबाइल थिएन, जीवन चलेकै थियो । अहिले चाहीँ सबैको हात हातमा भएकोले मोबाइल भएन भने केही दिन अप्ठयारो होला । तर क्रमश जीवनले फेरी नयाँ लय समाउदै जान्थ्यो होला ।
-अनलाइन खबर

Facebook Comments Box

फेसबुक