मलेसियाको पेनाङ सहरमा विदेशी कामदार बोकेका बस दुर्घटनामा परेका छन् । आज बिहानै विदेश कामदार बोकेका दुईटा बस आपसमा जुध्दा ८ जनाको मृत्यु भएको प्रारम्भिक जानकारी आएको छ ।
तर, मृत्यु हुनेमा कुनै नेपाली परे–नपरेको हालसम्म खुल्न सकेको छैन । मलेसियास्थित नेपाली राजदूतावासले पनि यसबारे केही बताउन सकेको छैन ।
सोनी कम्पनीको कारखानामा काम गर्ने नेपाली र इन्डोनेसियन कामदार बोकेका बस आपसमा जुधेर दुर्घटना भएको मलेसियास्थित सञ्चारमाध्यमले जनाएका छन् ।
आज बिहान साढे ५ बजेतिर भएको बस दुर्घटनामा परी अन्य ३३ जना विदेशी कामदार घाइते भएका छन् । घाइते सबैको गम्भीर अवस्थामा उपचार भइरहेको छ ।
मलेसियाको स्थानीय प्रहरीले मृतक कुन–कुन देशका नागरिक रहेको भन्नेबारे खुलाइसकेको छैन ।
Facebook Comments Box
