२०८० फाल्गुन, १०
||NEWS LUMBINI |

स्कुलबाट फर्किदै गरेकी बालिका बाटैमा बलात्कृत

कञ्चनपुरको पुर्नबासमा १० वर्षकी बालिकालाई बलात्कार गरेको आरोपमा एक वृद्व पक्राउ परेका छन् ।

पुर्नबास नगरपालिका–१० का ६९ वर्षीय ओम प्रकाश पौडेललाई बलात्कार आरोपमा प्रहरीले पक्राउ गरेको हो । मंसिर ११ गते मंगलबार स्कुलबाट घर फर्किरहेको समय बालिकालाई बलात्कार गरेको भनी परिवारले प्रहरीमा उजुरी गरेका थिए ।

उजुरीका आधारमा आरोपी पौडेललाई पक्राउ गरिएको इलाका प्रहरी कार्यालय त्रिभुवनबस्तीका प्रहरी निरीक्षक कर्ण बहादुर वमले जानकारी दिए ।

प्रहरीलाई परिवारले दिएको जानकारी अनुसार स्कुलबाट फर्किँदै गर्दा ती वृद्धले ललाई फकाई बाटोमा रहेको पसलमा बलात्कार गरेका हुन् । पसलको पछाडि रहेको सानो कोठामा लगेर बालिकाको कपडा खोलेर बलात्कार गरेको बुझिएको प्रहरीले जनाएको छ ।

‘बालिकाको अस्पतालमा स्वास्थ्य परीक्षण गरिएको छ । प्रहरी निरीक्षक वमले भने, ‘रिपोर्ट आएको छैन, रिपोर्ट आएपछि थाहा हुन्छ ।’ प्रहरीले हिरासतमा रहेका पौडेलमाथि शुक्रबार नै जिल्ला अदालतबाट १५ दिन म्याद थप गरेर अनुसन्धान अघि बढाएको छ ।

जबरजस्ती करणी मुद्दा दायर गरेर अनुसन्धान भइरहेको प्रहरीले जनाएको छ । अभियुक्तलाई जिल्ला प्रहरी कार्यालयको हिरासतमा राखिएको छ । बालिकाको स्वास्थ्य परीक्षणपछि परिवारको जिम्मा लगाइएको छ ।

-नयाँपेजबाट साभार गरिएको हो

Facebook Comments Box

फेसबुक