२०८० फाल्गुन, १२
||NEWS LUMBINI |

११ दिनसम्म मतपेटिका कसरी सुरक्षित राखिन्छ ?

काठमाडौँ । ३२ जिल्लामा प्रतिनिधि र प्रदेश सभाका लागि मतदान सकिएको छ । बिहान ७ बजेदेखि सुरु भएको मतदानमा साँझ ५ बजेसम्म लाइनमा बसेर मतदाताले भोट हालेका थिए ।

पहिलो चरणमा भएको ३२ जिल्लाको यो निर्वाचनबाट ३७ प्रतिनिधिसभा र ७४ प्रदेशसभा सदस्य निर्वा्चित हुनेछन् । तर चुनावमा कसले जित्यो भन्ने थाहा पाउन कम्तीमा ११ दिन कुर्नु पर्नेछ । मंसिर २१ गते दोस्रो चरणको चुनावपछि मात्रै देशभरिको मतगणना एकैसाथ सुरु हुनेछ ।

११ दिनसम्म मतपेटिका कसरी सुरक्षित राखिन्छ ?

मङ्सिर २१ गतेसम्म मतगणना नहुँदा मतपेटिकालाई सुरक्षित तरिकाले राखिनेछ । मतदान भएका स्थानबाट सुरक्षाका लागि मतपेटिकाहरु सदरमुकाम ल्याइन्छ । पहिलो चरणमा चुनावमा भएका मध्ये २७ जिल्लामा एउटा मात्र निर्वाचन क्षेत्र छन् भने बाग्लुङ, गोरखा, धादिङ, नुवाकोट र सिन्धुपाल्चोकमा दुई–दुई निर्वाचन क्षेत्र छन् । मतपेटिका सुरक्षित राख्ने जिम्मा आयोगले जिल्ला निर्वाचन अधिकृत र मुख्य निर्वाचन अधिकृतलाई दिएको छ ।

मतपेटिका कसरी सुरक्षित राख्ने भन्ने बिषयमा मुख्य निर्वाचन अधिकृतले निर्णय लिनेछन् । मतपेटिकाको सुरक्षाको लागि पहिलो घेरामा प्रहरी, दोस्रो घेरामा सशस्त्र प्रहरी बल र अन्तिम घेरामा नेपाली सेना रहने व्यवस्था छ । कतिपय जिल्लामा भने मतपेटिका राखिएको ठाउँमा सिसिटिभी पनि जडान गरिएको छ । मतपेटिकालाई सिलबन्दी गरेर सुरक्षा घेरामा राखिनेछ ।

Facebook Comments Box

फेसबुक